-
പത്ര, ദൃശ്യ, ശ്രവ്യ, ഓണ്ലൈന് മാധ്യമങ്ങള്ക്കായി ജൂണ് മാസത്തില് ഒരു യോഗം ദുരന്ത നിവാരണ അതോറിറ്റിയുമായി ചേര്ന്ന് സംഘടിപ്പിക്കുക. പ്രസ്തുത യോഗത്തില് കാലവര്ഷ അവലോകനവും, ദുരന്ത സംബന്ധിയായ മറ്റ് വിവരങ്ങളും, ദുരന്ത സാഹചര്യത്തില് മാദ്ധ്യമങ്ങള്ക്ക് വിവരം ലഭ്യമാക്കുന്നതിനുള്ള സംവിധാനവും വിശദീകരിക്കുക. -
സംസ്ഥാന/ജില്ലാ ദുരന്ത നിവാരണ അതോറിറ്റി നല്കുന്ന മുന്നറിയിപ്പുകള് സംസ്ഥാന സര്ക്കാര് വെബ്സൈറ്റ്, ജില്ലാ വെബ്സൈറ്റ്, സംസ്ഥാന സര്ക്കാരിന്റെയും ജില്ലാ കളക്ടര്മാരുടെയും സാമൂഹിക മാധ്യമം എന്നിവയില് പ്രസിദ്ധീകരിക്കുക. -
സംസ്ഥാന ഇ.ഓ.സിയിലേക്ക് ഇന്ഫോര്മേഷന് ഓഫീസറില് കുറയാത്ത ഒരു ഉദ്യോഗസ്ഥനെ രാവിലെ 9 മണിമുതല് വൈകിട്ട് 6 മണി വരെ നിയോഗിക്കുക. പ്രസ്തുത ഉദ്യോഗസ്ഥന് ദുരന്ത സംബന്ധിയായ വിവര ശേഖരണം ജില്ലാ തലത്തില്നിന്നും നടത്തി മാധ്യമങ്ങള്ക്ക് ദിവസവും 3 തവണ ലഭ്യമാക്കുന്നതിന്റെയും, സംസ്ഥാന ഇ.ഓ.സിക്ക് വേണ്ടി മാദ്ധ്യമങ്ങളുമായി നിരന്തര ബന്ധം പുലര്ത്തുന്നതിന്റെയും ചുമതല ഉണ്ടായിരിക്കും.