Add soko Sijeni's works since October 2025 (#260)

ivaaane · web-flow · commit 2d9bf98abfbd · 2026-03-09T11:12:31.000+02:00
* add all of my (soko sijeni)'s works since october 2025 + taso

* update collections

* update o lukin

* oopsie
diff --git a/collections/soko-sijeni/jan-kisote.yaml b/collections/soko-sijeni/jan-kisote.yaml
@@ -4,4 +4,6 @@ sources:
 items:
   - plaintext/2025/04/sona-en-pali-pi-jan-kisote.md
   - plaintext/2025/04/tawa-nanpa-wan-pi-jan-kisote.md
-  - plaintext/2025/09/lawa-li-jan-utala-e-jan-kisote.md
+  - plaintext/2025/09/lawa-li-jan-utala-e-jan-kisote.md
+  - plaintext/2026/01/jan-kisote-li-weka-tan-tomo.md
+
diff --git a/collections/soko-sijeni/lon-insa-pi-ma-tu.yaml b/collections/soko-sijeni/lon-insa-pi-ma-tu.yaml
@@ -0,0 +1,6 @@
+name: lon insa pi ma tu
+sources:
+  - https://sijeni.li.pona.la/tp/
+items:
+  - plaintext/2025/10/kasi-li-len-e-mi.md
+
diff --git a/collections/soko-sijeni/ma-suno.yaml b/collections/soko-sijeni/ma-suno.yaml
@@ -2,6 +2,7 @@ name: ma suno
 sources:
   - https://sijeni.li.pona.la/tp/
 items:
+  - plaintext/2025/10/lipu-ma-suno-li-seme.md
   # - toki open -
   - plaintext/2025/03/open-lon.md
   - plaintext/2025/04/open-jan.md
@@ -11,4 +12,4 @@ items:
   # - toki mun -
   - plaintext/2025/04/jan-suno.md
   - plaintext/2025/05/ma-tomo.md
-  - plaintext/2025/08/pona-sama.md
+  - plaintext/2025/08/pona-sama.md
diff --git a/collections/soko-sijeni/soko-sijeni.yaml b/collections/soko-sijeni/soko-sijeni.yaml
diff --git a/plaintext/2025/08/o-lukin.md b/plaintext/2025/08/o-lukin.md
@@ -18,10 +18,11 @@ accessibility-notes: null
 notes: null
 ---
 
-o lukin! sina lukin e ale. kasi en telo en soweli li lon. sina ken kama sona.
+o lukin! sina lukin e ale. ijo mute li lon. sina ken kama sona.
 
 o lukin! sina lukin e ala. pimeja taso li lon. sina ken lape.
 
-o lukin! sina lukin e suno. walo taso li lon. sina ken ala kama sona. sina ken ala lape.
+o lukin! sina lukin e suno. walo taso li lon. sina ken ala sona. sina ken ala lape.
+
+sina wile e suno tan seme?
 
-sina wile e suno tan seme?
diff --git a/plaintext/2025/08/taso.md b/plaintext/2025/08/taso.md
diff --git a/plaintext/2025/10/kasi-li-len-e-mi.md b/plaintext/2025/10/kasi-li-len-e-mi.md
@@ -0,0 +1,178 @@
+---
+title: kasi li len e mi
+description: tan lipu olin "lon insa pi ma tu"
+authors:
+  - soko Sijeni
+proofreaders: null
+date: 2025-10-19
+date-precision: day
+original: null
+tags:
+  - story
+  - love
+license: null
+sources:
+  - https://sijeni.li.pona.la/tp/lon-insa-pi-ma-tu-1
+archives:
+  - https://web.archive.org/web/0/https://sijeni.li.pona.la/tp/lon-insa-pi-ma-tu-1
+preprocessing: null
+accessibility-notes: null
+notes: null
+---
+
+mi kasi. mi lape. mi lon anpa. kasi li luka e mi. kasi li pona e mi. kasi li len e mi. suno li walo e laso. suwi.
+
+kasi li sona ala. mi sona e ala. n… ala. mi sona. mi lon ma ni tan seme. mi sona. mi lape lon anpa tan seme. mi sona. mi len lon kasi tan seme. mi sona. mi kasi ala. kasi li pona. kasi li sona e utala ala. kasi li kute e kalama ala. kasi li lukin e jaki ala. kasi li moku e suno taso. kasi li lape taso. mi wile kasi a! mi wile sona e utala ala. mi wile kute e kalama ala. mi wile lukin e jaki ala. mi wile lape taso. taso mi ken ala.
+
+a… kalama waso. seli suno. kule kasi. suwi kasi. len kasi. tenpo li pini. mi pilin ike. tan seme la, mi sona.
+
+a… mi awen lape lon len kasi mi. pilin ike la lukin mi li telo. utala a la mi moku e kon. len kasi taso li pona e mi.
+
+ni la, mi kute e sina.
+
+sina kama lon len kasi mi. sina lukin e mi tan sewi. mi lukin e sina tan anpa. suno li walo e sinpin sina. a, sinpin sina li suwi. linja mute li tan lawa sina. linja sina li suli li pimeja. sama la selo sina li pimeja. len la kule li laso sewi. lukin suwi, kule suwi, nasin suwi. sina sama kasi tawa lukin mi. sina sewi, anu seme?
+
+— o kama.
+
+mi toki. taso kalama li ala. mi ken ala toki. mi lukin e sina.
+
+— n. sina kama ala tan seme?
+
+sina tawa anpa. sina awen lon supa kasi. sina awen lon poka mi. mi lukin e sinpin sina. sina pilin ike ala.
+
+— jan ale lon tomo sona li pilin ike. ona li sona ala e tan pi weka sina. sina o kama sin.
+
+a. tomo sona… tomo li ike e mi. mi wile ala lon tomo. mi wile lon ma kasi. mi weka tan tomo sona; sina sin e sona ni. ike. telo lukin li kama wawa.
+
+— a, n. o pilin ike ala… ike seme li lon?
+
+mi ken ala toki. mi alasa toki a. taso kalama li ala. ike. ike a! mi ike a! telo lukin li awen.
+
+— n… ale li pona, ale li pona.
+
+sina pini e toki. sina luka e mi. mi utala ala. luka li suwi. tenpo li tawa. sina toki ala. mi pilin pona lili.
+
+— sina ken ala ken toki?
+
+mi toki e “ala” kepeken lawa.
+
+— tan seme?
+
+mi ken ala toki.
+
+— a…
+
+mi awen. sina awen.
+
+— sina pilin pona ala pona?
+
+mi toki e “pona” kepeken lawa.
+
+— pona. sina wile kama ala kama?
+
+n. mi wile ala tawa tomo sona. taso mi wile lon poka sina. mi wile ala wile weka tan kasi? mi wile ala wile weka tan sina? mi lukin e sina. mi awen.
+
+mi toki e “kama” kepeken lawa.
+
+— pona.
+
+sina pini awen. sina lon sewi. mi lon anpa. sina jo e luka mi.
+
+— o kama.
+
+mi pini e awen. kasi li lon anpa, taso mi lon sewi. sina pini e jo. sina open e tawa. mi lon poka sina. nasin tawa li suli; kasi mute li lon; kasi li kule mute; kasi suli la soko, li len lon anpa. nasin li kama pini.
+
+a, tomo… ma tomo suli li lon poka kasi. ma tomo suli li lon pini nasin. nasin li wan e kasi e tomo. nasin li wan e pona e ike. mi weka tan kalama ike kepeken nasin. mi weka tan kulupu ike kepeken nasin.
+
+a, ike.
+
+mi pini tawa. sina pini tawa.
+
+— seme li lon?
+
+mi awen. sina toki ala. ale li awen. sina tawa mi.
+
+— ijo ike li kama tawa sina lon tomo sona, anu seme?
+
+mi toki e “lon” kepeken lawa. pilin ike li kama sin. sina lukin e mi.
+
+— nimi sina li seme?
+
+mi wile toki, mi wile toki, mi wile toki a! lawa mi li ike. lawa mi li jaki. mi alasa toki a. mi alasa kalama a! mi alasa pona e lawa. mi toki insa e wile. mi open e uta. mi wile toki. mi toki:
+
+— mi meli Anja.
+
+mi lukin e anpa. kalama mi li ike.
+
+— meli Anja o… o pilin ike ala. mi ken pana e pona. taso o weka ala a!
+
+mi lukin e lukin sina.
+
+— n… sina pona.
+
+— o kama a!
+
+sina jo e luka mi. sina tawa e mi. mi tu li weka tan nasin. ma kasi li lon monsi mi. ma tomo li lon sinpin mi. mi tu li tawa tomo sona.
+
+***
+
+mi jan. jan li mute. jan li kulupu. kulupu li suli. jan kulupu li ken ala jo e ale wile. jan li pali. jan li wile e ijo la, jan li pali. jan li wile e moku la, jan li pali. jan li wile moli ala la, jan li pali. taso, jan li wile pali la, nanpa wan la jan o sona. ni la, jan li tawa tomo sona. tomo sona la jan pali li pana e sona tawa jan sin. kama sona li wile e tenpo mute. mi jan la, mi tawa tomo sona. tomo sona li poki e jan mute.
+
+mute li ike tawa mi.
+
+mi en sina li tawa insa tomo. tomo sona li lon poka pi ma tomo suli. tomo li poki e tomo lili mute. kule sona mute li lon: jan li ken sona nanpa, li ken sona toki, li ken sona ilo, li ken sona sitelen, li ken sona ante… tomo lili li lon tawa kule sona ale, li tomo e jan pi sona ni. mi en sina li tawa tomo pi sona nanpa.
+
+jan mute.
+
+jan mute li awen lon supa. ona ale li pali li toki. toki mute a. kalama mute a. sina toki.
+
+— sina wile la mi ken awen lon poka sina.
+
+— pona.
+
+mi awen lon supa mi. mi kama e ilo pali. jan sona li lawa e tomo: mi o wawa e sona la ona li pana e pali. pakala… pali li ike tawa mi. sona nanpa li ike a. mi pilin ike sin. mije tu lon poka mi li toki.
+
+— meli Anja o. sina weka tawa seme?
+
+— sina ken ala pali ni anu seme?
+
+— seme a? pali ni li lili a.
+
+— o toki!
+
+taso mi toki ala. telo li open lon lukin mi. pakala a… mi wile ala lon tomo. tomo la mi ike. mi ken ala pali. mi ken ala. mi wile weka. ala li pona e mi lon ma ni. telo lukin li tawa anpa.
+
+— sina pilin ike tan seme? sina lili anu seme?
+
+— o.
+
+sina pini awen. sinpin sina li pana e pilin utala. sina toki tawa mije.
+
+— a?
+
+— o pini e toki jaki ni.
+
+— mi toki jaki ala. ni ale li lon. ona li ken ala pali, li ken ala toki. ona li weka tan tomo; ona o ken ala ni. ona li ante ala la ale li ike tawa ona.
+
+mije li toki lon. mi pakala. ale li ike. mi ken ala. mi…
+
+seme?
+
+sina luka wawa e mije. luka li awen lon tenpo lili a. luka li utala e selo mije. mije li kama lon anpa. uta ona li pana e telo loje lili. mije li pakala.
+
+seme?
+
+sina toki ala. sina awen. seme a? o awen ala. o toki! o ijo! sina ni tan seme!? mije li toki e lon taso. o pakala ala e ona! mi ike. ike ni li tan mi. mi…
+
+sina luka e lawa mi. luka li awen lon tenpo suli. luka li suwi. mi lukin e sina tan anpa awen. lukin sina li suno lili. sinpin sina li pana e pilin ike lili.
+
+— o kute ala e ona. ale li pona.
+
+— … taso…
+
+mi ken ala toki. sina awen luka. nasa la, mi pilin suwi… taso sina pini tan kalama suli. jan sona li kama.
+
+— seme a li kama!? sina ken ala utala e jan a! meli Tejana o toki tawa jan lawa!
+
+pilin suwi li pini. sinpin sina li pana e pilin ala. sina weka.
+
diff --git a/plaintext/2025/10/lipu-ma-suno-li-seme.md b/plaintext/2025/10/lipu-ma-suno-li-seme.md
@@ -0,0 +1,45 @@
+---
+title: lipu "ma suno" li seme?
+description: jan pi lon ala li toki e kon lipu
+authors:
+  - soko Sijeni
+proofreaders: null
+date: '2025-10-06'
+date-precision: day
+original: null
+tags:
+  - story
+  - original
+  - short story
+license: null
+sources:
+  - https://sijeni.li.pona.la/tp/ma-suno
+archives:
+  - https://web.archive.org/web/0/https://sijeni.li.pona.la/tp/ma-suno
+preprocessing: null
+accessibility-notes: null
+notes: null
+---
+
+tenpo pini a la kulupu lili li lon nena pi ma Seluli. tenpo ni la, jan li sona lili e kulupu ni. jan utala li moli e ona ale, li seli e tomo ale la, ijo ona pi mute lili li awen. suno li sewi tawa jan ni. ni la mi nimi “jan suno” e jan pi kulupu ni.
+
+taso! ijo wan li awen tan ona: musi. jan suno li toki e musi mute. ona li toki musi e sona pi tenpo pini lon tenpo lape. lili la sona musi li awen lon kulupu ante. mi sona e ni taso tan jan suno.
+
+mi wan e musi ni ale la, mi ken mute e sona mi pi jan suno. ni la, mi open pali. mi kute e sona tan ma mute. mi alasa mute. mi lukin e lipu mute. mi ni lon sike mute a! taso, pali li pini. mi kama sona mute pi kulupu moli ni. mi pana e sona ale tawa lipu “ma suno”.
+
+nasin lipu li ni:
+
+musi li lili li mute. o lukin e musi pi wile sina! taso, musi ale li wan la ona li toki e sona suli. jan mute en utala mute li lon. musi mute li ante tawa musi ante la, mi poki mute e musi. mi tu tu e lipu, sama ni:
+
+* **toki open la**: ni li poki musi nanpa wan. musi ni li toki e open ale. nanpa wan a la o lukin e toki ni. sina pini kute e toki open la, o kute e toki ante lon wile sina!
+* **toki mun la**: musi ni li toki e sewi e jan suno. nimi sin ala li lon toki. musi li lili.
+* **toki jan la**: musi ni li toki e jan pi sewi ala e utala. nimi mute a li lon! jan Wala, en jan Ete, en jan ante li suli. musi li suli. sewi li lon ala musi ni.
+* **toki pini la**: ni li poki musi nanpa pini. jan suno la, nasin ni la ale li pini.
+
+mi wile kulupu e musi ale la ni li utala a. pali li ken ike. jan suno li toki e lon ala lon? mi sona ala. ken la, jan Wala en jan Ete li lon tenpo pini. ken la, sewi suno li lon. ken la, ale li musi taso. mi toki e sona taso.
+
+ale la, o musi tan lipu mi “ma suno”!
+
+_— jan sona Etuwi Selesemeni_  
+_ma Kapoka_
+
diff --git a/plaintext/2025/10/mama-mi-li-ike-tawa-lawa.md b/plaintext/2025/10/mama-mi-li-ike-tawa-lawa.md
@@ -0,0 +1,48 @@
+---
+title: mama mi li ike tawa lawa
+description: mi toki pona e kalama musi “tata” tan toki Sopisi
+authors:
+  - soko Sijeni
+proofreaders: null
+date: '2025-10-27'
+date-precision: day
+original:
+  title: Tata
+  authors:
+    - Baja Mali Knindža
+tags:
+  - music
+license: null
+sources:
+  - https://sijeni.li.pona.la/tp/mama-mi-li-ike-tawa-lawa/
+archives:
+  - https://web.archive.org/web/0/https://sijeni.li.pona.la/tp/mama-mi-li-ike-tawa-lawa/
+preprocessing: null
+accessibility-notes: null
+notes: null
+---
+
+mama mi li ike tawa lawa  
+mama mi li ike tawa lawa  
+sina ken alasa poki e ona  
+sina ken alasa poki e ona  
+
+sina utala e ona la lawa sina li weka  
+sina utala e ona la lawa sina li weka  
+
+mama mi li utala e ma Posan  
+mama mi li utala e ma Posan  
+sina ken alasa poki e ona  
+sina ken alasa poki e ona  
+
+sina utala e ona la lawa sina li weka  
+sina utala e ona la lawa sina li weka  
+
+mama mi li ken moli e sina  
+mama mi li ken moli e sina  
+sina ken alasa poki e ona  
+sina ken alasa poki e ona  
+
+sina utala e ona la lawa sina li weka  
+sina utala e ona la lawa sina li weka  
+
diff --git a/plaintext/2026/01/jan-kisote-li-weka-tan-tomo.md b/plaintext/2026/01/jan-kisote-li-weka-tan-tomo.md
