Kompyuteringiz dasturlari qanday ishga tushushini boshidan oxirigacha bo‘lgan jarayoni qamrab oluvchi texnik qo'llanma.
Men kompyuterlar bilan ko‘p ishlar qilganman, lekin har doim bilimlarimda bo‘shliq bo‘lgan: dasturni kompyuteringizda ishga tushirganingizda aynan nima sodir bo‘ladi? Men bu bo‘shliq haqida o‘yladim - menda kerakli quyi darajadagi bilimlarning aksariyati bor edi, lekin men hamma narsani birlashtirishga qiynaldim. Dasturlar haqiqatan ham to‘g‘ridan-to‘g‘ri markaziy protsessorda ishlayaptimi yoki boshqa narsa sodir bo‘lyaptimi? Men “syscalllardan” foydalanganman, lekin ular qanday ishlaydi? Ular aslida nima? Bir vaqtning o‘zida bir nechta dastur qanday ishlaydi?
Men chidolmay, iloji boricha ko‘proq narsani tushunishga harakat qila boshladim. Agar siz kollejga bormayotgan bo‘lsangiz, tizimli va keng qamrovli resurslar ko‘p emas, shuning uchun men turli sifatdagi va ba’zan bir-biriga zid ma’lumotlarni o‘z ichiga olgan ko‘plab manbalarni saralab chiqishimga to‘g‘ri keldi. Bir necha haftalik tadqiqotlar va deyarli 40 sahifalik qaydlardan so‘ng, menimcha, kompyuterlarning ishga tushirilishidan to dastur bajarilishigacha qanday ishlashi haqida ancha yaxshi tasavvurga ega bo'ldim. O‘rganganlarimni tushuntiradigan bitta maqola uchun jonimni jabborga bergan bo‘lardim, shuning uchun o‘zim xohlagan maqolani yozyapman.
Bilasanmi, odamlar nima deyishadi... biror narsani boshqalarga tushuntirib bera olsanggina, uni chindan ham tushungan bo‘lasan.
Shoshilyapsizmi? Bu narsani allaqachon biladigandek his qilyapsizmi?
3-bobni o‘qib chiqing va men kafolat beramanki, siz yangi narsalarni o‘rganasiz. Agar siz Linus Torvaldsning o‘zi bo‘lmasangiz..