-
Notifications
You must be signed in to change notification settings - Fork 5
使用 甬
基本个用法好去看 Rime 输入法个 说明书。
新派搭老派有啥各样，好去看《宁波话吴拼教程》里向该一节个内容 新老差异。
该只输入方案是基于老派口音做的个，对于新派口音个用户，输入方案里向有提供模糊音设置。新派搭老派有差别个声韵母，已经模糊音开好的了，好甮再自家去调去。
如话要手动去调整模糊音去，好点击 荡头 下载模糊音定制模板。解压缩解好以后，寻着对应地区个，以 .custom.yaml 结尾个文件。用记事本或者是其他文本编辑器搭其打开，来对应个模糊音设置前头加或者删掉 # 号。
譬如讲来的 wugniu_gninpou.custom.yaml 里向，有「削 ≈ 吸」该只模糊音。如话要关掉该只模糊音，单巧来下头该两行代码前头加只 # 号的。
- derive/ia(?=q|h)/i/
- derive/ya(?=q|h)/yi/再譬如讲，文件里向还有「謝 ≈ 夜」该只模糊音，是呒没开的。如话要搭其开开，单巧删掉下头该两行代码前头个 # 号，就好了。
#- derive/zhi(?=[aoue])/y/
#- derive/zhi(?=[nqh]|$)/yi/要注意， YAML 格式个文件是用缩进来表示层级关系个。格勒来定制模糊音个辰光，千万莫搭开头该眼空格也删掉了。
文件里向每一类模糊音设置个前头，和总有文字说明个，单巧对照说明加上或者删掉 # 号就好了。
另外来文件里向，还有一眼容错个设置，允许用户搭 au 打成 ao ，搭 ao 打成 oa ，搭 oe 打成 eo 该星。该星介容错设置也是默认开好掉个。
文件里向还提供转成 协会式拼音 个选项。单巧搭「轉爲吳語協會式拼音」还有「顯示吳語協會式拼音」该两只小节下底个 # 号和总删掉就好了。
改好以后，搭其保存好。再搭该只文件复制或者移动到 Rime 输入法个用户文件夹里向。Windows 系统下底，用户文件夹来的 %APPDATA%\Rime 该只路径，Mac OS 下底是 ~/Library/Rime，Linux 下底是 ~/.config/ibus/rime。Windows 下底右击任务栏高头个 Rime 图标，再点击「用户文件夹」，格末介也好搭用户文件夹打开。Mac OS 下底好点击输入法状态栏高头个 Rime 图标，选择「用户设定...」打开用户文件夹。
文件复制或者移动好以后，右击 Rime 图标，点击「重新部署」。等一晌晌，就设置好了。
如话学过正则表达式个也话，用户也好去看 Rime 网站高头 搭拼写运算相关个文档，自家去定制模糊音去，甚至自家修改拼音方案。
输入个辰光，输入法会有输入提示。提示用户选项里向各只字眼个读音。
如话弗晓得一个字咋读读或者是弗晓得其用吴语拼音咋拼拼个闲话，好揿按键 ` 来反查（倒过来查）该单只字眼个读音。荡只输入方案提供两种反查方式。揿 ` 键，再打该只字眼个普通闲话拼音，就好用普通闲话来查字眼个宁波闲话发音；揿 ` 键，再打 h s p n z，就好用笔画来查字眼个宁波闲话发音，h s p n z 分别代表 一丨丿丶乙 该五种基本笔画。
譬如讲，查“叭”字个宁波闲话读音。好揿 ` 键，打 ba ，或者是打 szhpn，就好查着。
荡只输入方案还支持另外一种反查方式，就是用两分方案倒查字音。来的用之前呢，要先安装 宁波闲话两分输入方案 该只方案。安装好以后，回到荡只输入方案，揿 q 键，再打该只字眼个两只主要部件个吴语拼音，就好用两分方案来查字眼个宁波闲话读音了。两分方案咋末介用，好去看该本 两分手册 去。
譬如讲，还是查“叭”字。“叭”字个主要部件是“口”搭“八”，格勒好揿 q 键，打“口”字搭“八”字个吴语拼音 kheupaq，就好查着。
luna_pinyin.extended.dict.yaml。改掉以后，用普通闲话拼音反查宁波闲话拼写个功能就𫧃来了。碰着该种介情况，好点击 荡头 下载定制模板。解压缩解好以后，寻着对应地区个，以 .custom.yaml 结尾个文件。用记事本或者是其他文本编辑器搭其打开。来文件里向寻着「反查詞典設置」该一节，搭下底该一行代码前头个 # 号删掉，反查功能就又修好了。
#"luna_pinyin/dictionary": luna_pinyin.extended该只输入方案用户好自定义短语。来用户文件夹里向新建一只文件，名字取其 custom_phrase.txt，来的文件里向写用户自定义短语（自家造出来个闲话）。自定义短语个格式是短语、拼音、词频，要用 tab 键搭其拉隔开。词频也弗一定要写，写勒高眼好排勒前头眼。下底是一只例子。
吳語 wu gniu 100
有星介文本编辑器会搭 tab 键转换变成空格，弄勒自定义短语呒没效果。如话有该种介情况，去编辑器个设置里向查一查，保证是用 tab 键搭该三样东西隔开。
余多还有交关定制个方法，好去看 Rime 个 定制指南。