Skip to content

安装 甬

Jump to bottom
shinzoqchiuq edited this page May 23, 2026 · 7 revisions

Windows

方法一：

  1. 安装小狼毫输入法。咋装装搭咋用用好搭 Rime 输入法个 网站 高头去看去。

  2. 任务栏高头个 Rime 图标，鼠标右击点其一记，搭菜单打开。来菜单里向选择「輸入法設定」，搭设定界面打开。

  3. 设定界面下底借手边有一个「獲取更多輸入法方案...」，点其一记，会弹出一个命令行界面。来的该只命令行里向输入下底该行代码。

    NGLI/rime-wugniu_gninpou

    输好仔，揿落回车，再等一段辰光。

  4. 命令行搭其关掉。回到设定界面，来「方案名称」该只列表里向寻着「吳語（寧波）」搭「吳語（鄞州）」，根据需要打勾。勾好仔，点击「中」，再等一段辰光。

  5. 揿 F4 或者 Ctrl+` 选择输入方案。

方法二：

  1. 安装小狼毫输入法。咋装装搭咋用用好搭 Rime 输入法个 网站 高头去看去。

  2. 点击 荡头，搭输入法文件下载落来。

  3. 压缩包下载好以后，搭其解压缩解解好。来里向寻着 wugniu_gninpou.dict.yaml、wugniu_gninpou.schema.yaml 搭 wugniu_gnincieu.schema.yaml 该三只文件，搭其复制或者移动到 rime 输入法个用户文件夹。

    Windows 系统下底，用户文件夹是 %APPDATA%\Rime 该只路径。鼠标右击任务栏高头个 Rime 图标，再点击「用户文件夹」，格末介也好搭用户文件夹打开。

  4. 搭文件复制或者移动好以后，右击任务栏高头个 Rime 图标，打开菜单。来菜单里向选择「輸入法設定」，打开设定个界面。来「方案名称」该只列表里向寻着「吳語（寧波）」搭「吳語（鄞州）」，根据需要打勾。勾好仔，点击「中」，再等一段辰光。

  5. 揿 F4 或者 Ctrl+` 选择输入方案。

视频教程：https://www.bilibili.com/video/BV1db411S7gf

Linux、macOS

  1. 安装 ibus-rime 输入法（Linux）或者鼠鬚管输入法（macOS）。咋装装搭咋用用好搭 Rime 输入法个 网站 高头去看去。

  2. 来终端里向运行下底该只命令，安装 東風破（需要首先安装过 git）。

    curl -fsSL https://raw.githubusercontent.com/rime/plum/master/rime-install | bash

  3. 再运行下底该两只命令，下载输入法码表。

    cd plum
bash rime-install NGLI/rime-wugniu_gninpou

  4. 来的用户文件夹（Linux 系统下底是 ~/.config/ibus/rime/ 该只路径；macOS 系统下底是 ~/Library/Rime/ 该只路径，点击输入法状态栏高头个 Rime 图标，选择「用户设定...」，格末介也好搭用户文件夹打开）里向新建文件 default.custom.yaml，搭下底该眼内容写勒该只文件里向。

    patch:
  schema_list:
    - schema: wugniu_gninpou
    - schema: wugniu_gnincieu

    如话还要用其他输入方案个闲话，好搭其他输入方案个名字也写勒该只列表（schema_list）里。具体咋写写好去看 Rime 官方写个 教程。

  5. 到输入法状态栏高头点击「部署」（macOS 系统里向是「重新部署」）。等一晌晌。

  6. 揿 F4 或者 Ctrl+` 选择输入方案。

Linux 系统下底个 Fcitx 搭 Fcitx5 输入法引擎里向，也好安装 Rime 插件，具体咋弄弄，好搭 Fcitx 个网站高头去看去。

Android

安卓平台下底，有两个输入法应用好拣，一只是 同文输入法（Trime），还有一只是 小企鹅输入法（fcitx5-android）。来的安装之前，要先下载几只文件。

  1. 来电脑高头点击 荡头，搭输入法文件下载落来。

  2. 压缩包下载好以后，搭其解压缩解解好。来里向寻着 wugniu_gninpou.dict.yaml、wugniu_gninpou.schema.yaml 搭 wugniu_gnincieu.schema.yaml 该三只文件。

接落来个安装步骤，两只输入法应用有眼各样个。

同文输入法

  1. 安装同文输入法。具体要咋装装，好搭 Trime 个 网站 高头去看去。

  2. 安装好以后，打开同文输入法，按照界面高头个指引启用输入法。

  3. 有两只基础个配置文件搭基础个词表是安装输入法要用个，还有朙月拼音搭五筆畫要用来做反查。格勒先到电脑高头点击下底该几只链接，搭其拉和总下载好。

  4. 该几只压缩包下载好以后，搭其拉解压缩解解好。搭所有以 .yaml 或者是 .txt 结尾个文件寻出来，搭其拉复制或者移动到安卓设备个 /sdcard/rime 文件夹下底（就是主目录下底个 rime 文件夹）。

  5. 文件移动好以后，再搭同文输入法软件打打开。顺手半边高头有只「🔄」图标，点其一记，等其一晌。再选择「方案」，点顺手边下底个「+」号，根据个人个需要，搭要用个输入方案加进去。

  6. 到打字个界面，长揿输入法借手边下底个「中文方案」，来列表里向选择要用个输入方案。

如话还有其他需要，好去看 Trime 输入法个 文档。

小企鹅输入法

  1. 安装 小企鹅输入法，还有 Rime 插件。

  2. 和总安装好以后，打开小企鹅输入法，按照界面高头个指引启用输入法。

  3. 来输入法个界面里向，点击「输入法」，再点顺手半边下底个「+」号，添加「中州韵」。

  4. 来电脑高头新建文件 default.custom.yaml，搭下底该眼内容写勒该只文件里向。

    patch:
  schema_list:
    - schema: wugniu_gninpou
    - schema: wugniu_gnincieu

    如话还要用其他输入方案个闲话，好搭其他输入方案个名字也写勒该只列表（schema_list）里。具体咋写写好去看 Rime 官方写个 教程。

  5. 头回子下载个所有以 .yaml 结尾个文件，还有新建个 default.custom.yaml 该只文件，搭其拉复制或者移动到安卓设备个 /sdcard/Android/data/org.fcitx.fcitx5.android/files/data/rime 文件夹下底（就是主目录下底个 Android/data/org.fcitx.fcitx5.android/files/data/rime 文件夹）。

  6. 到打字个界面，键盘下底有一只「🌐」图标，点一记，搭其切换到中州韵。点借手边高头该只「>」号，搭选单展开，接落来点「…」，再点「<>」图标，就好切换输入方案了。

如话还有其他需要，好去看小企鹅输入法个 网站。

iOS

iOS 平台下底，有两个输入法应用好拣，一只是 「仓」输入法，另外一只是 iRime 输入法。来的安装之前，要先来电脑高头做一眼准备工作。

  1. 来电脑高头点击 荡头，搭输入法文件下载落来。

  2. 压缩包下载好以后，搭其解压缩解解好。来里向寻着 wugniu_gninpou.dict.yaml、wugniu_gninpou.schema.yaml 搭 wugniu_gnincieu.schema.yaml 该三只文件。

  3. 新建文件 default.custom.yaml，搭下底该眼内容写勒该只文件里向。

    patch:
  schema_list:
    - schema: wugniu_gninpou
    - schema: wugniu_gnincieu

    如话还要用其他输入方案个闲话，好搭其他输入方案个名字也写勒该只列表（schema_list）里。具体咋写写好去看 Rime 官方写个 教程。

接落来个安装步骤，两只输入法应用有眼各样个。

「仓」输入法

  1. 来苹果个应用商店里向下载安装「仓」输入法。

  2. 确保电脑搭 iOS 设备是连勒做只 WiFi 网络。来 iOS 设备高头点击「仓」输入法个图标，选择「输入方案上传」>「启动服务」。按照应用高头个说明，来电脑浏览器高头输入 iOS 设备高头显示个网址。

  3. 搭网址打开以后，双击打开 Rime 文件夹。头回子解压缩解好个输入方案文件，还有新建个 default.custom.yaml 文件，点击「上传」搭其拉和总传上去，或者用鼠标搭其拉拖过去。

  4. 搭网页关掉，再到 iOS 设备高头点「停止服务」。来 iOS 设备高头选择「RIME」>「重新部署」，等其部署好仔，再点「输入方案设置」，根据个人需要，拣要用个输入方案。

  5. 来 iOS 个「设置」里向，选择「通用」>「键盘」，点「添加新键盘」，搭「仓输入法」加进去。

  6. 到打字个界面，点击键盘个图标，来选单里向选择要用个输入方案。

iRime 输入法

  1. 来苹果个应用商店里向下载安装 iRime 输入法。

  2. 确保电脑搭 iOS 设备是连勒做只 WiFi 网络。来 iOS 设备高头点击 iRime 个图标，选择「电脑快传」。按照应用高头个说明，来电脑浏览器高头输入 iOS 设备高头显示个网址。

  3. 打开网址以后，在列表里向寻着 default.custom.yaml，点击「🗑️」揿钮搭其删删掉。再点击「上传文件」，搭头回子解压缩解好个输入方案文件，还有新建个 default.custom.yaml 文件和总传上去。

  4. 搭网页关掉，iOS 设备高头「电脑快传」个页面也搭其退退掉。先点「部署」，等其部署好仔，再点「选择方案」，根据个人需要，拣要用个输入方案。

  5. 在 iOS 个「设置」里向，选择「通用」>「键盘」，点「添加新键盘」，搭「iRime 输入法」加进去。

  6. 到打字个界面，点键盘个图标，来选单里向选择要用个输入方案。

鸿蒙

超越输入法

鸿蒙平台高头个超越输入法好导入 Rime 输入方案。不过本人手里向呒没鸿蒙系统个设备，格勒到底咋装装，欢迎各位网友用过以后讲拨我听。

如话还有其他需要，好去看 Rime 输入法个 文档。

Home

Clone this wiki locally